2001 മുതല്‍ മലയാളഭാഷയുടെ ഡിജിറ്റല്‍ വളര്‍ച്ചക്കൊപ്പം നടന്ന സ്വതന്ത്രമലയാളംകമ്പ്യൂട്ടി­ങ്ങിന്റെ പ്രവര്‍ത്തനങ്ങളുടെ ഒരു വ്യാഴവട്ടം തികയുകയാണീവര്‍ഷം. ഒരു വര്‍ഷം നീണ്ടുനില്‍­ക്കുന്ന ആഘോഷങ്ങള്‍ക്കു് ഒക്റ്റോബര്‍ 14, 15 തീയതികളില്‍ തൃശ്ശൂര്‍ സാ­ഹിത്യ അക്കാദമി ഹാളില്‍ വച്ചു തുടക്കമാകും .

സ്വ.മ.ക യെ കുറിച്ച്

കോഴിക്കോട് എന്‍ഐടി വിദ്യാര്‍ത്ഥിയായിരുന്ന ബൈജു എം 2001-ല്‍ ആരംഭിച്ച മലയാളം ലിനക്സ് എന്ന ഓണ്‍ലൈന്‍ സമൂഹമാണു് ഏതാണ്ടു് പത്തുമാസങ്ങള്‍ക്ക് ശേഷം 'സ്വതന്ത്ര മലയാളം കമ്പ്യൂട്ടിങ്ങ്' എന്ന പേരു സ്വീകരിച്ചത്. തുടര്‍ന്നുള്ള 12 വര്‍ഷം കൊണ്ട് മലയാളം കമ്പ്യൂട്ടിങ്ങിനെ കൈപിടിച്ചു നടത്തുവാനും മറ്റേതു ഇന്ത്യന്‍ ഭാഷയ്ക്കും മാതൃകയാ­ക്കാനും സാധിക്കുന്ന വിധത്തില്‍ വളര്‍ത്തുന്നതില്‍ വലിയൊരു പങ്ക് വഹിക്കാന്‍ സ്വതന്ത്രമല­യാളം കമ്പ്യൂട്ടിങ്ങിനായി. സ്വതന്ത്ര സോഫ്റ്റ്‌‌വെയറുകളുടെ പ്രാദേശിക­വല്‍കരണം, ഫോണ്ടുകളുടെ നിര്‍മാണവും പുതുക്കലും കമ്പ്യൂട്ടര്‍ /മൊബൈല്‍ സമ്പര്‍ക്കമുഖ­ങ്ങളിലെ കൃത്യമായ മലയാള ചിത്രീകരണം ഉറപ്പുവരുത്തല്‍, കമ്പ്യൂട്ടര്‍ / മൊബൈല്‍ ഉപകരണ­ങ്ങളില്‍ മലയാളം ടൈപ്പു ചെയ്യാന്‍ വേണ്ടിയുള്ള നിരവധി നിവേശകരീതികളുടെ നിര്‍മ്മിക്കലും പുതുക്കലും , എന്നുതുടങ്ങി ഭാഷാകമ്പ്യൂട്ടിങ്ങിന്റെ ഏതാണ്ടെല്ലാ മേഖലകളിലും വ്യക്തമായ ഇടപെടലുകള്‍ ഈ കാലയളവുകൊണ്ടു് സ്വതന്ത്ര മലയാളം കമ്പ്യൂട്ടിങ്ങ് നടത്തി. ഇത്തരം പ്രവര്‍ത്തനങ്ങളുടെ ഭാഗമായി നിരവധി സര്‍ക്കാര്‍ / സര്‍ക്കാരിതര കമ്പ്യൂട്ടിങ് പ്രവര്‍ത്തനങ്ങളുടേയും ഭാഗമാവാനും , ഗൂഗിള്‍ സമ്മര്‍ ഓഫ് കോഡിനു രണ്ടു തവണ മെന്ററിങ് ഓര്‍ഗനൈസേഷനായി തിരഞ്ഞെടുക്കപ്പെടാനും സ്വതന്ത്രമലയാളം കമ്പ്യൂട്ടിങ്ങിനു സാധിച്ചു. ഐടി അറ്റ് സ്കൂളിലെ മലയാളലഭ്യത, കേരളസര്‍ക്കാരിന്റെ 2008 ല്‍ തുടങ്ങിയ മലയാളം കമ്പ്യൂട്ടിങ്ങ് കാമ്പൈന്‍ , തുടങ്ങി നിരവധി പ്രവര്‍ത്തനങ്ങള്‍ സാധ്യമാക്കാനുള്ള സ്വതന്ത്രമായ സാങ്കേതിക അടിത്തറ നിര്‍മ്മിക്കാനായതും ഈ കൂട്ടായ്മയുടെ ഒരു നേട്ടമാണു്. ഇന്നു് ഇന്ത്യയിലെ ഏറ്റവും വലിയ സ്വതന്ത്രസോഫ്റ്റ്‌വെയര്‍ അധിഷ്ഠിത ഡെവലപ്പര്‍ കൂട്ടായ്മയാണു് സ്വതന്ത്രമലയാളം കമ്പ്യൂട്ടിങ്ങ് .

സ്പോണ്‍സര്‍

ഒക്റ്റോബര്‍

14തിങ്കളാഴ്ച
  • 09.00രജിസ്ട്രേഷന്‍
  • 09.30 ഉദ്ഘാടനസമ്മേളനം
    കേരള സാഹിത്യ അക്കാദമി ഹാള്‍
    ഉദ്ഘാടനം: സതീഷ് ബാബു (ഡയറക്ടര്‍ , ഐസിഫോസ്സ്)
    മുഖ്യപ്രഭാഷണം: ഡോ. ജി നാഗാര്‍ജുന , (പ്രസിഡന്റ് , ഫ്രീ സോഫ്റ്റ്‌വെയര്‍ ഫൌണ്ടേഷന്‍ ഓഫ് ഇന്ത്യ ,സയന്റിസ്റ്റ് , HBCSE, TIFR)
    ആദരിക്കല്‍: കെ.എം . ഗോവി , ബൈജു എം.
    സാന്നിധ്യം: തേറമ്പില്‍ രാമകൃഷ്ണന്‍ (എംഎല്‍എ), വിഷ്ണുവര്‍ദ്ധന്‍ (ഡയറക്ടര്‍ , സെന്റര്‍ ഫോര്‍ ഇന്റര്‍നെറ്റ് ആന്‍ഡ് സൊസൈറ്റി ) ആര്‍.ഗോപാലകൃഷ്ണന്‍ (സെക്രട്ടറി, കേരള സാഹിത്യ അക്കാദമി), പി.വി കൃഷ്ണന്‍ നായര്‍ (സെക്രട്ടറി , സംഗീതനാടക അക്കാദമി)
  • 02.00മലയാളഭാഷാ ഘടനയും കമ്പ്യൂട്ടിങ്ങും
    കേരള സാഹിത്യ അക്കാദമി ഹാള്‍
    ആമുഖം: കെ. എച്ച് ഹുസൈന്‍
    മലയാള വ്യാകരണത്തിന്റെ ചരിത്രം: പ്രൊഫ. പി നാരായണമേനോന്‍
    മലയാളഭാഷാ ഘടനാപരമായി: ഡോ. ടി.ബി വേണുഗോപാലപ്പണിക്കര്‍
    ഡിജിറ്റല്‍ യുഗത്തില്‍ മലയാളത്തിന്റെ മാനകീകരണം: പി. സോമനാഥന്‍
    മലയാളം കമ്പ്യൂട്ടിങ്ങ് സാധ്യതകള്‍: സന്തോഷ് തോട്ടിങ്ങല്‍
  • 02.00വിക്കി ഗ്രന്ഥശാല സിഡി പ്രകാശനവും വിക്കിപ്രവര്‍ത്തക സംഗമവും
    ചങ്ങമ്പുഴ ഹാള്‍
    പാനല്‍ ചര്‍ച്ച: വിക്കിപ്രൊജക്റ്റുകളും വിജ്ഞാന സാഹിത്യവും
    ആമുഖം: ഡോ . പി രഞ്ജിത്ത്
    എം.പി പരമേശ്വരന്‍, എന്‍.എ നസീര്‍, പി.പി രാമചന്ദ്രന്‍, അന്‍വര്‍ അലി, സിവിക് ചന്ദ്രന്‍, കണ്ണന്‍ ഷണ്‍മുഖം, കെ. വേണു.
  • 06.00 നവസാങ്കേതികരാഷ്ട്രീയം ഇന്നു്
    കേരള സാഹിത്യ അക്കാദമി ഹാള്‍
    ഡോ. ടി.ടി. ശ്രീകുമാര്‍

ഒക്റ്റോബര്‍

15ചൊവ്വാഴ്ച
  • 09.30 മലയാളം കമ്പ്യൂട്ടിങ്ങ് പുതുസാധ്യതകളും വെല്ലുവിളികളും
    ഫോണ്ടുകള്‍, ഇന്‍പുട്ട് രീതികള്‍, ചിത്രീകരണം, സ്വതന്ത്ര മാനകങ്ങള്‍ മലയാളം യൂണിക്കോഡ് ഫോണ്ടുകള്‍ : കാവ്യ മനോഹര്‍
    ഇന്ത്യന്‍ ഭാഷകളുടെ ചിത്രീകരണവും ടെസ്റ്റിങ്ങും - നന്ദജ വര്‍മ്മ (ഗൂഗിള്‍ സമ്മര്‍ ഓഫ് കോഡ് പ്രൊജക്റ്റ് )
    മാനകങ്ങള്‍- FUEL- അനി പീറ്റര്‍
    മൊബൈലിലെ മലയാളം - ജിഷ്ണു
  • 11.30 മലയാളം കമ്പ്യൂട്ടിങ്ങ് പുതുസാധ്യതകളും വെല്ലുവിളികളും
    മലയാളം ഓപ്പണ്‍ ഡാറ്റ, ഗ്രന്ഥസൂചി, വിവരനിര്‍മ്മിതി, ഗ്രന്ഥവിവരം : ഇര്‍ഷാദ് (ഗൂഗിള്‍ സമ്മര്‍ ഓഫ് കോഡ് പ്രൊജക്റ്റ് )
    ഓളം - കൈലാഷ് നാഥ്
    ഡോ. രാമന്‍ നായര്‍
  • 02.00മലയാളം സ്വരസംവേദിനി, ഓസിആര്‍
    ഡോ . സി വി ജവഹര്‍ (IIIT ഹൈദരാബാദ്), ഡോ. ദീപ ഗോപിനാഥ് (കോളേജ് ഓഫ് എഞ്ചിനീയറിങ്ങ്, തിരുവനന്തപുരം), സത്യശീലന്‍ മാസ്റ്റര്‍ , നളിന്‍ സത്യന്‍ (ഗൂഗിള്‍ സമ്മര്‍ ഓഫ് കോഡ് പ്രൊജക്റ്റ് )
  • 03.30മലയാളം കമ്പ്യൂട്ടിങ്ങിലെ സംരഭകത്വവും പുതു സാധ്യതകളും
    ഡോ. ബി. ഇക്‍ബാല്‍, വികെ ആദര്‍ശ്, സജിത്ത് വി.കെ
  • 05.00മാധ്യമങ്ങളും മലയാളം കമ്പ്യൂട്ടിങ്ങും
  • എന്‍പി രാജേന്ദ്രന്‍ (കേരള പ്രസ്സ് അക്കാദമി), ഗൗരീദാസന്‍ നായര്‍ (ദി ഹിന്ദു ), റൂബിന്‍ ഡിക്രൂസ് (നാഷണല്‍ ബുക്ക് ട്രസ്റ്റ്), മനോജ് പുതിയവിള, മഹേഷ് മംഗലാട്ട്

വൈലോപ്പിള്ളി ഹാള്‍

14-15മലയാളം കമ്പ്യൂട്ടിങ്ങ് പ്രദര്‍ശനം

വിളംബര പരിപാടികള്‍

സെപ്റ്റംബര്‍ ആദ്യവാരം മുതല്‍ കേരള­ത്തിലെ എല്ലാ ജില്ലകളിലെയും വിവിധ വിദ്യാഭ്യാസ , സാംസ്കാരിക സ്ഥപനങ്ങളുമായി സഹകരിച്ച് മലയാളം കമ്പ്യൂട്ടിങ്ങ് ശില്പശാലകള്‍ സ്വ.മ.ക സംഘടിപ്പിച്ചുവരികയാണു്. ഈ ആഘോഷത്തിന്റെ വിളംബര പരിപാടിക­ളുടെ തുടക്കമായി കേരളത്തിലുടനീളം നടക്കുന്ന മലയാളം കമ്പ്യൂട്ടിങ്ങ് ശില്പശാല­കളുടെ സംസ്ഥാനതല ഉദ്ഘാടനവും 'സ്വതന്ത്രമലയാളംകമ്പ്യൂട്ടിങ്ങിന്റെ ഒരു വ്യാഴ­വട്ടം' ആഘോഷത്തിന്റെ ലോഗോ പ്രദര്‍ശനവും സെപ്റ്റംബര്‍ 6, വെള്ളിയാഴ്ച കാലത്തു് 10 മണിക്കു് തിരൂര്‍ തുഞ്ചത്തെഴുത്തച്ഛന്‍ മലയാള സര്‍വകലാശാലയില്‍ വച്ചു് നടന്ന ആദ്യ ശി­ല്പശാലയില്‍ വൈസ് ചാന്‍സിലര്‍ ശ്രീ കെ ജയകുമാര്‍ നിര്‍വഹിച്ചു. തുടര്‍ന്നുള്ള ദിവസങ്ങളിലായി കേരളത്തിലെ നിരവധി കലാലയങ്ങളിലും എഞ്ചിനീയറിങ്ങ് കോളേജുകളിലും പോളിടെക്നിക്കുകളിലും മലയാളം കമ്പ്യൂട്ടിങ്ങ് ശില്പശാലകള്‍ നടന്നുവരികയാണു് . മലയാളം കമ്പ്യൂട്ടി­ങ്ങിന്റെ പ്രാഥമികകാര്യങ്ങള്‍ വിദ്യാര്‍ത്ഥികള്‍ക്ക് പകര്‍ന്നു നല്‍കുന്ന വിധത്തിലാണ് ശില്പ­ശാലകള്‍ ക്രമീകരിക്കപ്പെട്ടിട്ടുള്ളതു് .

ജി.ഇ.സി, ശ്രീകൃഷ്ണപുരം

ഒക്ടോബര്‍‍ 7
നയിച്ചത് : സന്തോഷ് തോട്ടിങ്ങല്‍

പി.എം.ജി ഹയര്‍ സെക്കണ്ടറി സ്കൂള്‍, പാലക്കാട്

ഒക്ടോബര്‍ 3
നയിച്ചത്: നന്ദജ വര്‍മ്മ,അല്‍ഫാസ്, അഭിഷേക്, ആര്‍ക്ക് അര്‍ജുന്‍

പ്രസ്‌അക്കാദമി , കാക്കനാടു്, എറണാകുളം

സെപ്റ്റംബര്‍ 29

എന്‍.എസ്സ്.എസ്സ് എഞ്ചിനീയറിങ് കോളേജ്, പാലക്കാട്

സെപ്റ്റംബര്‍ 28
നയിച്ചത്: ഇര്‍ഷാദ് കെ, അര്‍ജുന്‍, അല്‍ഫാസ്

പ്രസ്‌ക്ലബ് ഇന്‍സ്റ്റിറ്റ്യൂട്ട്, തിരുവനന്തപുരം

സെപ്റ്റംബര്‍ 28
നയിച്ചത്: സെബിന്‍ എബ്രഹാം ജേക്കബ്, ഋഷികേശ് കെ. ബി, ഡോ. ദീപ പി. ഗോപിനാഥ്.

മോഡല്‍ എഞ്ചിനീയറിങ്ങ് കോളേജ്, തൃക്കാക്കര

സെപ്റ്റംബര്‍ 26
നയിച്ചത്: ഋഷികേശ് കെ. ബി, നന്ദജ വര്‍മ്മ

സാഹിത്യ അക്കാദമി ചങ്ങമ്പുഴ ഹാള്‍, തൃശ്ശൂര്‍

സോഫ്റ്റ്‌വെയര്‍ സ്വാതന്ത്ര്യദിനാഘോഷം
സെപ്റ്റംബര്‍ 21

കോളേജ് ഓഫ് എഞ്ചിനീയറിങ്ങ്, തൃക്കരിപ്പൂര്‍, കാസറഗോഡ്

സെപ്റ്റംബര്‍ 7
നയിച്ചത്: സത്യശീലന്‍ മാഷ്, അബൂബക്കര്‍ എം.കെ

പയ്യന്നൂര്‍ വനിതാ പോളിടെക്നിക്‍, കണ്ണൂര്‍

സെപ്റ്റംബര്‍ 7
നയിച്ചത്: നന്ദജ വര്‍മ്മ

ശ്രീപതി ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ആന്‍ഡ് ടെക്നോളജി പാലക്കാട്

സെപ്റ്റംബര്‍ 7
നയിച്ചത്: ശ്രീനാഥ്

കുന്ദംകുളം പോളിടെക്നിക്‍ , തൃശ്ശൂര്‍

സെപ്റ്റംബര്‍ 7
നയിച്ചത്: ബിന്നി വി.എ

ആല്‍ബെര്‍ട്ടിയന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ആന്‍ഡ് ടെക്നോളജി

സെപ്റ്റംബര്‍ 7

ചേര്‍ത്തല പോളിടെക്നിക്‍ , ആലപ്പുഴ

സെപ്റ്റംബര്‍ 7
നയിച്ചത്: ഋഷികേശ് കെ. ബി

തുഞ്ചത്തെഴുത്തച്ഛന്‍ മലയാള സര്‍വ്വകലാശാല

സെപ്റ്റംബര്‍ 6
നയിച്ചത്: ഡോ. മഹേഷ് മംഗലാട്ടു്, പ്രവീണ്‍ അരിമ്പ്രത്തൊടിയില്‍, ഋഷികേശ് കെ ബി, മനോജ് കെ, വിഷ്ണു എം, ജയ്സെന്‍ നെടുമ്പാല

വേദിയിലേക്കുള്ള വഴി

Contacts

contact@smc.org.in